Evangelium secundum Matthaeum*
Caput 25: Versus 8
Date nobis de oleo,etc. Quorum facta aliena fulciuntur, laude eadem subtracta deficiunt, et de consuetudine id semper inquirunt, unde gaudere animus solet. Itaque hominum qui corda non vident, testimonium volunt habere apud Deum, qui cordis inspector est.Exstinguuntur.Id est, adventu judicis intus obscurantur, et a Deo non habent mercedem, quia receperunt laudem.